اقدم لكم من مجموعه من بعض القصايد لشاعر الكويتي فلاح عشوي العنزي
وهذا الاهداء اهديه لكم جميعا بلا اشتثناء وتستاهلون الاهدات اللتي تثني عليكم من حبه لكم واحترام
قصيده ( سحايب دموع,,)
الايام تبكيني على غير عادتها ..
وانا شاب قلبي وانكوى من فعايلها..
غريب بكاها رغم قوة صلابتها ..
ولكنها تشفق علية واجاملها..
صعيبة وتغرينا بجمال ابتسامتها..
وانا خانني حظي وطحت بحبايلها..
صحيح البداية غلطتي ماهي غلطتها..
لكن الاسف والمعذرة ماتقبلها ..
سالت الليالي وعدتني اجابتها ..
تقول الاماني جف ماها بجدولها..
سحايب دموعي حرقتني حرارتها..
كما نار بركان عظيمة هوايها..
الاياعذاب الوقت اعلن نهايتها..
وعطني اوفر دايم يحدد تعادلها ؟؟
قبل يغرق المركب وتغرق حمولتها..
وتضيع الامال وباطن البحر ياكلها..
وقبل ينكسر دمعي واعاني بسبتها..
وتحرق عيوني زود مالجرح طايلها..
كفاية احمل النفس من فوق طاقتها..
وانا مومن وادعي عسى الله يعدلها..
لشاعر فلاح عشوي العنزي
.. لنا وجهة نظر.. حول الحب وله ايضا تساؤلات اراد صياغتها في هذه الابيات التي كتبتها.. وحرص على نشرها هنا في المنتدى.. رغم انا اوضح كل الوان الغلا والصدق والطاعة.. ولكن ماذا وجد انا هنا بلابيات ..
هذا ما ستشاهدونة في هذه القصيدة.
حب ما في حب على بالك نسيت
جيت راجع وتنتظر مني رجوع
انطفا فينا الهوى يومك جفيت
لا تطول في كلامك والخضوع
أنا بأيام الغلا ياما شقيت
كنت انا صادق معك مخلص قنوع
احتويتك في حياتك ما لقيت
قلب عاشق مثل قلبي يا قطوع
لا انكسر قلبك معك أنا ابتليت
شلت حنك مثل حزني بالضلوع
أزرع البسمة على اشفاهك هنيت
ومن يديني كم انا اشعلت الشموع
ما اذكر انك يوم يالغالي ضميت
وكيف تظما دام انا اسقيك الدموع
اذكر الحارة الصغيرة بيت بيت
وكنت امر قدام بيتك بالسبوع
اتعذر من سال زاير سهيت
ضايع دربي ولا ادل الرجوع
وان حصل نظرة من الباب اكتفيت
بالقليل ارضى ولا عمري شكيت
رافع قدرك على كل الجموع
يا قليل الصبر عمرك ما عطيت
عاشق ذاتك يا شين الطبوع
حب ما في حب ليتك ما لفيت
فضها سيرة ترى الذكرى دموع
لشاعر فلاح عشوي العنزي
ارثي من خلال هذه القصيدة المعبرة الشيخ المرحوم سالم صباح السالم الصباح رحمه الله وأسكنه فسيح جناته.
أبدا بذكر اللي خلق جنة الحور
منشي السحاب اللي تخايل مطرها
ياالله ياللي تعلم الحق والزور
ترحم عيون شيبت من كدرها
جاني خبر شيخ على الطيب مامور
شيخ عن الزلات نفسه ومرها
عون الضعيف وكامل العقل والشور
لله ولدينه حياته نذرها
يعطي صخا ما ينتظر قول مشكور
كم طلبه طلابها ما خسرها
بالدين والتقوى والاخلاص مشهور
ويمناه بالجذلات كل خبرها
عزيز النفس ويكره الظلم والجور
يا كم من نفس كسيرة جبرها
في مثل سالم فلاتكفي سطور
لو الف بيت سيرته ما حصرها
يبكي عليه كبار وصغار وبزور
والعين من فقده دمرها سهرها
يا رحيم ترثيك الكتاتيب والدور
حتى المساجد تفقد اللي عمرها
يا الله عساك بجنة الخلد مسرور
وسط القطوف الدانية من ثمرها
وصلوا على من بدل الجهل بالنور
حدر من الزلة وبين خطرها
لشاعر فلاح عشوي العنزي
امنتك اللة يابعـد كـل غالــي .
. وامــنتك اللة واحفــظي حبـــنا زين
بعدك ترا ماعــاد شي بقالـي .
. ماعــاد باقــيـلي ســوى دمعــة الــعين
محلا خيالك لاطريتي ببالــي .
. ومــحلا وصوفك يــوم كـــنتي تباهين
يامحلا جلستنا وانتي اقبالـي ..
وانا اسمعك وانتي عن الشوق تحكـين
وما اقساك يوم تتركيني لحالي.
. وانا مديت ايديــني واقــول تكــــفين
لاتتركيني يكفي الــي جرالــي ,
, من يوم صغري شايف الشين والشين
عمري قضى ومافـي شي صفالي,,
, وابـطيت وانا اقول ابفرح بعد حين
مافي يدي حيلــه وعزاي لحالـي ,
, امشي مع الدنيا ولا ادري على وين
بس اسمعيني ياحلالـي ومالــي ..
ماغير حبك بالحشى لــــي يوم الدين
كانك نسيت او لقــيتي بدالــي .
. تـبقين اجــمل ذكرياتــــــي وتـــدريــن
ماانساك لويمـشون حوولي اعيالي ,
,ببقى على الذكرى لوتاخذ لها سنيين
لشاعر
فلاح عشوي العنزي
,,,نناشد ال صــــــباح بالابــــيــــات هــــــــــذي ,,,
(( صــــــــرخة الـــــبــدون الكويت ))
ضاقت الدنيا علينا والفــــرج عيـا يـبـين..
في ديار اهل الـكـرامة في ديـار الصـــباح..
كــم تـذوقـنا الماســي وكــم تذوقــنا الانـيـن..
وكم شكينا وكم بكينا ولا حدا يسمع الصياح..
في ديار اهــل الــكرامة حالنا اصبح دفـيـن..
مالــنا أيــة حــقــوق ومالنا أيـة اصــلاح..
حالـنا صابــح قهر ياليتكم لة شايـفـيــن..
شـــوفــو احـوال الـبـدون الـهم فـيها فاح..
مـاكــان ياجمـــاعة ومكانا مسلــــمـين..
حالــنا تــردي دايــــم صــــوب الطـــياح ..
اية حنا من الكويت ولاغــيرها عايـشـــين ..
ماعرفنا غير ارضها قلتها بحق بلامزاح..
ناطرين الفرج من اللة ثم من صباح ناطرين..
ياعز الرجال يابـو ناصــر حــلها بلأ صلاح..
بنــهايـة طالبــين اوضاعــنا نطلب تزين ..
دامـنا مـاعرفـنا غــير ارض ال صبـــــاح..
لـــشـاعر:فـــلاح عـــشــوي الــعــنـزي
شمس الاماني ..,, مرثية بالمغفور له انشاللة علي فراج ابن اخي.
اه ياويلاه ياجرح المفارق بالوداع..
واة ياشين الزمن في ظل الحزن العميق..
مات ابو خالد علي فراج والشهم الشجاع..
واللة اللي قدر الحادث من اسباب الطريق ..
انطفت شمس الاماني وانهدم نور الشعاع..
وامتلاء الصدر بهمومة ورافق الخافق حريق..
صارت الدمعة بعيوني واخلف الراس الصراع..
وصارت ايامي يتيمة كلها هم وضيق..
ماعلى الدنياء ملام ولا بعد فيها متاع..
من فراقك يابو خالد كل مافيني غريق..
تذكر ايام السعادة يوم فليت الشراع..
يوم عادك حي عندي ياحبيبي ما استظيق ..
ياعلي حبك بقلبي ثابت باحلا الطباع..
ولامع في جوف صدري لمعته مثل البريق..
عزتي لي ضاقت بي فيافي وســــاع..
وعزتي لي دام خفاق الغلا فيكم عشيق..
جعل مدخالك في جنان الخلد في اعلى الرفاع..
ويرحمك ربي بعطفة يالسنافي يالــعريق..
لشاعر: فــــلاح عشوي العنزي
(((مغازل بنات الجامعة كيف راح يكون بالابيات,,,,,,)))
مريت على جمعة بنات بالجامعة قاعدات.
قمت امر مرات ومرات ومرات..
وجتني وحده وقالت زودها تراك ..
قلت ياويلي من شافلة السعودية مثل الغزال البرية ..
ياويلي من شافلة الكويتية مثل القمرة في ليلة ممسية ..
ياويلي من شافلة البحرينية الخشم سلة السيف والكذلة ميالية ..
ياويلي اخاف تنشر الاخبار ..
وتنشر بين الناس..والاسرار ,,
ياويلي ان أسمعو مني الاكبار والصغار..
قالت : ماجبت من عندك شي جديد..
مايصعب على الناس حتى كسر الحديد..
وقالت واللة انا بحياتي ماني سعيدة ..
وقلت : واللة هم انا بحياتي ماني سعيد من صغر ..
اول ماجيت البنات وانا عند الناس بعيد..
تستاهلين القلب يازينة هدية ..
واذا مكافاك القلب اهديلك عيوني ..
غيرك من البنات من يطري عليه..
ومكل زينة من البنات مثلج فتوني..
لشاعر : فلاح عشوي العنزي
((قصيدة رووووعة تستحق القراء بالامانة :كيف يخاطب الزمن بالابيات))
باللة قلي يازمان المهزلة يامحترم ..
شلي بقى من عالمك قلي وانا بستوعبة
علمتني كل الدروس وقلتلي كل الحكم..
لكنك اخفيت الحقايق وابتلعت الاجوبة
أما انت كذاب وردي والا انا ما افتهم..
واحد من الاثنين فينا ماوثق في صاحبة
هذا الزمن مايعشقة ويعيش فية الأ الصنم..
ماتقدر تميز غثاة وعقربة من بلبلة
اختلطت الاوراق فيها وصار بالوادي قمم..
حتى الصغير يازمن قام يتفاخربشنبة
فيها الردي اصبح مهم ويحترق فيها الاهم .
عالم من كذب الرخيص وعالم من الاتربة
الوقت يلعب لعبتة والذيب خاف من الغنم..
عذور ذيبك يازمن لوجاة طفل وهيبة
بيت يهدده الضياع وتنشرا فيه الذمم..
لاعاد تشرة يازمن لوجاة ظيف وخربة
والظلم قلي من بقى في هالزمان ولا انظلم ..
والا انت خايف تظلم الظالم وتدخل مكتبة
اليا متى نوخذ لحم ونرد مافينا لحم..
يلي بنيت من عظام البيض سلم واعتــبة
لوفيك خير ان كان ما وزعت كلمة والنعم..
خليتها بين الخلايــق مثل الهبــة
عنيد مايرضى يطيع ويقتنع انة قزم...
يصدق اللي صفــقولة والــصـدوق يكـذبـة
عطيتة اللقمة ولكن صار في قلبة عظم ..
قص وتفضل ماعصرتة في ايدينك واشربة
ليا انكسر قوس الحريب وش فايدة ذاك السهم..
وليا انكشف ستر العذارى وش تفيـد الاحجبة
الوقت هو الوقت والمحظوظ من خاف وسلم ..
كم واحد قبلك تحداه الزمن وغيبة
لشاعر ":فلاح عشوي العنزي
مرثيه بوالدي رحمه الله تعالى عشوي الخضير العنزي
عقب العصر ودعني ابوي رحال
كـنـه يودعــني وداع العـيـالـي
اجيه وارجع بين الاقفا والاقبال
بين الرجا والياس موته طرالي
الحال مابه حال ياعالم الحال
ادعيك انا يالله ترأف بحالي
تقول في صدري من الحزن زلزال
من يوم ودعنا عزيزن وغالي
ابوي دايم للشرابيك حلال
اللي يفك مشربكات الحبالي
راح وبقا ذكره تفاخر به اجيال
للطيب واهل الطيب مضرب مثالي
عند القبيله سمعته تطرب البال
وعند القبايل سمعته بالمعالي
كريم جاه ولارتكا للحمل شال
رجال شيَال الحمول الثقالي
سمح الجناب وللمناعير مدهال
ويفز لا جا للحميا مجالي
في مجلسه دله ودرس وفنجال
طبع الجزل مثله يروم الجزالي
ماشال في صدره من الحقد مثقال
يدمح خطا الغالين في كل حالي
وله فزعة تذكر مع كل رجال
ياكم سعى لاعتاق روس الرجالي
رام المراجل واكتفى بكل الافعال
كل شهد غرب وجنوب وشمالي
ما مالت الا هو عدلها ولا مال
ما مال غير لطاعة الله مالي
يشهد له المسجد وعمٌ والانفال
ويشهد له الليل الطويل بسؤالي
يالله ياللي عالم كل الاحوال
يا خالق خلقك بحسن وعدالي
اسأل له الفردوس يارب منزال
وينعم بحسن المنزله والمنالي
ظله بظلك يوم لاظل وظلال
الا بظلك يا عزيز الجلالي
واغفر ذنوبه كلها دق وجلال
يا قابل الدعوات يا خير والي
لشاعر فلاح عشوي العنزي
عسى ماشر بغيابك شغلتني وانا مشغول ..
.
افكر وش سبب بعدك وزاد الشوق بغيابك ..
احس اليوم ياعمري احسة في غيابك حول..
ذبحني بعدك وصدك ولاني عارف اسبابك,,
يصير انك نسيتيني دخيلك لا مو معقول..
لان الحب لايمكن يموت وكان يحيابك..
انا كلة على شانك مشيت الارض عرض وطول..
ادور عنك واسال زماني وين ودابك.
.
ياملي عين الفرقا دمرها السهر .
.
لاوعنا العين من افراق مضمونها..
فرقا هنوفن وصايفها خوات القمر ..
والسحر بخدودها والموت فعيونها..
من عقبها يشهد اللة حالي في خطر..
ماشافت الحال عقب البعد واشلونها.
.مدري واش اللي صار مني ووش جاك..
.
كذا بدون اسباب واعذار تقسين..
ليت الغياب ايام يمكن عذرناك..
المشكلة غبتي يجي حول شهرين..
والمشكلة رقمك ادقة ولا القاك..
يدق لكن ماحصل لي تردين ..
ياغايبة عودي ترا مقدر انساك..
تكفين عودي يااول الحب تكفين.
.
ان كان الزعل بحبيبي ارجوك لاتزعل .
.
انا اللي فيك يتعبني ان شفتك علي زعلان..
لاشوفك معي مجروح ولاورودك معي تذبل..
تراك انت الجسد والروح ومثلك مالقيت انسان..
حبيبي واللة ماتسوة طيور افرحنا ترحل ..
لاتخلي الزعل يدوم انا جيتك طفل ولهان ..
تبي تعرف وشكثر احبك ..احبك فوق ماتتخيل ..
لانك دنيتي وقربك علي يبعد عني الاحزان .
لشاعر فلاح عشوي العنزي
اشلون ننهي الحكي وبقلوبنا غاصة
ولما الحبيب يبكي بضلوعنا نرصة
خلاصة الافكار هي زبدة الاشعار
هذا الحبيب محتار ياقصة قصة –
اشوفك في قلبي وعيني كل ساعة وساعة
في قلبي ضما وفي عيني حزن واحلى امل
كلما هلت دمعتي يضيق الحال من اوجاعة
وكلما شفتك ابكي بعدك حياتي كلها ملل
دخيلك ارجعيلي نار الشوق ولاعة
مجنون ولا شك ما ارضى عنك ياعمري بدل
عايش وحيد جرحي شديد والنفس طماعة
بعيد عن الناس ارتجي همي والوصل
بروحي ودمي وحبي فيض ماينكف اندفاعة
لا والله كيف ابنساك مهما تغيب وترحل
تعالي فديتك ارحميني في قلبك شفاعة
احبك واموت فيك انت لجرحي شهد وعسل
حبك تملك كل شي فيني مركبي انت شراعة
دخيلك لاتهجريني في فرحة النفس لاتبخل
اشوفك فرحي والعذاب حبي انت شعاعة
ارجعيلي يانبض الحياة شمسها والظل
لشاعر فلاح عشوي العنزي
ماهو بانتي اللي اعرفك من سنين
صرتي قلب غير واحساس غريب
ولا هو بانتي الي نضب فيها الحنين
كنت شوق يتمناني وانا فعيونك حبيب
ياكثر ما اعتذرلك وياكثر ماتخطين
يطيب قلبك في صفاي وقلبي عطيب
مين الي قلبة اسود لو ماتهقين
الي نسى تعذيبك والا الذي يستريب
وشلون اباصبر وكلما قربت عني تبعدين
صعب التقي وياك وصعب اكون منك قريب
اشتكي ظلمك قولي لي بس لمين
الله له الشكوى ولا احد بة يخيب
لاماهو بانتي اللي احبك وتعذبين
روحي واروح وكلنا عن الثاني يغيب
لشاعر فلاح عشوي العنزي
انت الذي غالي واغليك من الناس
وفي القلب ساكن وانت اعظمهم ثمين
اقولها من قلب صادق والاحساس
اني احبك حيل وانك امير المحبين
حبك بدمي وروحي وحبنا مالة مقياس
ماله ثمن يبقى غالي فوق شمس وجبين
كيف اوصفك وانت عديم في الجناس
والله ماشفت مثلك ملك وصف وزين
ياضياء ليلي انت في ليل الاغلاس
في الوصف حزت كل المعاني يانور العين
ما احلى عيونك خذيت الصيت والكاس
عفوا لو نقصت في حقك يااريش العين
جنون انت جنون وحق رب الناس
هذي الحقيقة ماتبقى دلايل وبراهين
ماخلق مثلك في الوجود والناس
حبك بقلبي وروحي ويجري في الشرايين
واموت واحيا بحبك ياذهب والماس
والله احبك وياخوفي عليك من الحاسدين
ليت كل الناس مثلك ماكان اشراس
الطيب فيك والاخلاق انت اعظمهم وزين
لشاعر فلاح عشوي العنزي
اغار من ثوب حرير لبستية ...
واغار من ميل يكحل عيونك ..
وعلى شعرك اغار لامن مشطتية ..
اغار من مشطك ومن يمشطونك..
وعليك اغار من الهوا لانطحتية ..
واغار منة لاتقفى.. اردونك..
ومن صوتك الدافي ليا من رفعتية..
اغار حتى من اهلك يسمعونك..
وعليك اغار من القمر لانظرتية ..
اخاف ياخذ منك شكلك ولونك..
واغار من طفل صغير حضنتية ..
لاحط ايدة فوق عالي متونك..
كل الكلام اللي ذكرتة سمعتية ..
ولا اعتقد تفكير عقلك يخونك..
هذي مشاعر واحد لو سالتية ..
يقول مايبقى حياتة بدونك..
يبغاك لامن بحبك وصفتية ..
قولي لة المجنون ما احلى جنونك..
للشاعر: فلاح عشوي العنزي
يمه وحشتـــــــيني,,,,
يمة بنادي جدار البيت وابوابــــة ,,
يبي يشم الرشوش وريحة الشيلــة ,,
اضم كفك واشمة وريحة اخصابــة ,,
والله ابخشمي تحوش من اول ليلــة ,,
يمة ترى فلاح فاقد اول احبابــة ,,
بالحيل فاتر واشوفة مايبي جيلــة ,,
يايمة فدوة روحي لج وانا كلي ولهان يايمــة ,,
يايمة سايري وقتك عسى في يوم تلفيني بــة ,,
يايمة ارفعي راسك انا رجل عظيم الشان يايمــة ,,
صعدت المجد بفعالي واظن انك نعرفيني يايمــة ,,
افزع للمحتاج واموت ولا ابدا ينهان يايمــة ..
ربيت ابعز ومنو يقدر يوطيني يايمـــة ..
انا فلاح وحلمي يايمة اقبل قاعة والاحضان يايمــــة ,,
وحشني احضانج وانتي بعد عيني وحشتيني يايمــــــة,,
كلمات اخوكم فلاح عشوي العنزي
صحيح ان الحياة اتعاب مدام ان الزمان اتعاب ..
وانا ما اتعبني اكثر منك ياللي غبت عن عيني ..
ياليت ان المحبة روح مافيها جفا وغياب ..
بعد ماشفت وش سوى غيابك والجفا فيني ..
بعد ماكنت انا وياك جسم وروح صرنا اغراب ..
ولاعاد اقدر اشوفك بعد مكنت في ايديني ..
على غفلة تغيب من الوجوة وخاطري ماطاب ..
وانا اللي كنت ابا انسى كل شي بينك وبيني ..
احسب اني صبور ولا نفعني صبري الكذاب ..
انا ويني وين الصبر وانت اللي تباريني ..
على الحال ما اصبر في غيابك يابعد من غاب ..
عسى الله مايجيب الساعة اللي منك تنهيني ..
وعلى الحال ماعندك صبر ياقلبي النصاب ..
نهيتك للمتاهات الطويلة لاتوديني ..
عصيت الشور ماطعت الكلام ولاحفضت احباب ..
ولاتقوى الصبر بعد الفراق ولا تواسيني ..
حبيبي غابت الفرحة وغاب من الحياة اصحاب ..
وبقيت انت الوحيد اللي بها الدنيا مخاويني ..
تهب الريح بانسام المحبةلاتسد الباب ..
ترا الدنياتميل وعنك مامالت موازيني ..
تعال وكثر اعتابك علية كانها بعتاب ..
وانا اللي تطلبة في كل حالاتة بيرضيني ..
تعبت من السهر لين السهر مل وخفوقي ذاب..
وانا بس انتظر صوتك لومرة يناديني ..
وش اللي علمك طبع القسا يالناعم الجذاب..
وش اللي بدالك وانت بحنانك كنت تغريني ..
ترا اللي صار كلة والفراق اللي بدون اسباب ..؟
تراها ماتساوي قول تكفا لاتخليني !
لشاعر فلاح عشوي العنزي
ماجيت ابي وصلك ولا جيت ابرجيك
جيت اتذكر في عيونك زماني
مادري هي الذكرى لجرحي تناديك
ولا انا اللي صار جرحي موافي
يمكن جهلتك او عرفتك وناسيك
يمكن انا ضيعت شكل التقاني
بس الحقيقه ليتني يوم انا جيك
اذكر ملامح وجهك اللي عصاني
الله اكبر كيف انا صرت ماضيك
حتى عيونك تغتريها معاني
ادري خذلك احساس قلب يباريك
لكن اشوف الحظ يمك رماني
خانت عيونك دام خانت هقاويك
مدري وش اللي جابك اليوم ثاني
صاح الحنين وصاحت الروح لبيك
ول ياحنين باخر العمر جاني
سافرت لايام بها مواريك
يوم اني ازرع في دروبك حناني
والعشق مريثه من الوجد يبكيك
متعلق مابين قاصي وداني
ياعشق يانيته من الوجد بقا فيك
كنك سنين عشتها في ثواني
ماجيت اداعب دنيتك جيت اعزيك
مير البلاء ياعشق صوتك شجاني
لشاعر فلاح عشوي العنزي
أحب أكون أول من حمل الأزهار
وقــدمــهــا هــديــة بعيد ميلادك
وأحب أكون أول من يجلب النار
ويــشــعــل شــمـوع الود لإسعادك
واحب اكون اول من يعزف الاوتار
يدندن لك غنية ماضي امجادك
وأحب أكون أول من يغني أشعار
ســـنــه حــلـوه ربي يسعد فؤادك
وأحب أكون أول من خفوقه طار
وضمك حيل كنه صدرهُ إوسادتك
وأحب أكون أول وآخر الأسرار
أنا المجهول ما تـــعــرفني حسادك
وأحب أكون آخر الزوار
يـــغــادر حـــفلتك في عيد ميلادك
خواطر فلاح عشوي العنزي
غيروك حبيبي وخلوك تجفا مني وتنساني
واخيرا مزقونا ابعدوك عني اقنعوك اني عدوك
وخلوك تبعد عني تنساني
وتنسى ايامي وسنيني ليه تنسى
ذكرتينا صدقتي ياحياتي خساره
حبنا وذكريتنا وايامنا خساره تبعد
تبعد عني ولكن اللحين روح اللي غيروك
واتركيني وحيد وخليني احيا وحيد
دام القدر ماجمعنا ودام الوقت فرقنا
خلني لنفسي ارجوك ارجوك ارحل عني
خواطر فلاح عشوي العنزي
دخيلك لاتغيب عن عيوني ولاتخليني
مدام القلب مملكتك وانتي فيه سلطانه
انا وليا متى اكتب قصيده حزن بيديني
انا وليا متى اخفي غرام طال عنوانه
معي اوراق تبكيني وزمان حيل منهيني
انا لولاك عزف حزني الاياطول الحانه
احبك كثر ماقدر جميله انتي بعيني
واحبك كثر ماتعشق طيور الحب اغصانه
الا يا اجمل من اللولو ومن الاماس في عيني
انا وش لي باللولو مدامك انتي الدانه
لشعر فلاح عشوي العنزي
تذكرتك وانا سالي وهلت دموع العين
تذكرتك وتذكرت زمان مضالي معاك ياكاحل العين
زمان اول يومك معي على الخير والشين
قبل لاتروح وتسمع كلام العاذلين
ولاكن الحين انت وين وانا وين
انا بزمان حبك وانت مع الحاسدين
في النهايه ادعي من الله يرجعنا محبين
اللي له القدره رب العباد الصالحين
ا فلاح عشوي العنزي
وينك حبيبي انطر رجعتك من سنين
اشوف المر ياحبيبي وشلون سقاني
من زماني القاسي ادمعت العينين
ولحد درى بعلتي ولحدا واساني
لي حبيبن خلا الدموع على الخدين
من سبه غلطه راح ونسى زماني
قلبي عليك يبكي على فراقه سنين
والشوق بقلبي يصيح ليت بكاني
مضى على فراقه لي اكثر من سنتين
عطيته الحب والوفا وبالغدر جازاني
وحسافه على عشره ودعتها بدموع العين
مناسبه بنت ياقلبي ليش تنهاني
لشاعر فلاح عشوي العنزي
ياحلوة انتي جبتي الزين من وين
يافاتنه غيرتي الحكي كله
شتتي افكاري على اليسار ويمين
الحكي منك لا حشا مانمله
ياساحره كل البشر والملايين
حني علي بنظره العين طله
يادوب اكحل العين بشوفت العين
حتى ان زولك مايفارق محله
انتي وضعتي حالتي بين قوسين
انتي جروح القلب وانتي دوائه
انتي وشاح الزين ياقمه الزين
وانتي جمال الروح وانتي هل له
ا فلاح عشوي العنزي
والله اجمعتنا الدنياء ثاني من جديد
والله التقينا والفرحه تجدد من جديد
والله شفتك بجيت من فرحتي
انت حبي الاول وانت شوق عمري
انت بنسبه لي هواي انت ظلي
مو قلتلك مراح تلقى احد يحبك كثري
موقلتلك راح ترجع حمام البيت
قلبي فرح ونار اللي بقلبي طفت من جديد
خاطره فلاح عشوي العنزي
قصيده بمناسبه الاعياد الوطنيه بالكويت ,,,
يادارنا لادق ضرب الاجراس
وقامت تداهم والجيوش معدودة
انا احمد الله جيشنا يرفع الراس
في وقفتة في ثبتتة في صمودة
حنا رجالك في المهمات لاباس
الكل منا وافي في وعودة
حنا نحب الدار حب بلا قياس
ونحب قايدها وحنا جنودة
ياشيخ صباح.. ياذرى كل منحاس
ياللي لشعبك دوم خيرك تزودة
شعبك بوقت الضيق للدار حراس
والكل منهم يبذل اقصى جهودة
في خدمتك وفي خدمة الدار والناس
كل يوقف في حماة الوطن ويذودة
هذا وفا في كل شهم وحساس
وانا احمد الله فرعنا بان جودة
من ريسة لموجهة ثبتتة ساس
طيار وموجة وبشد وجودة
واختامها يالله عسى نرفع الراس
ونفك منهو منربط في قيودة
وتعم الفرحة دارنا كل الاجناس
اللي لفعل الخير ماهي جحودة
وصلاة ربي عد ماهب نسناس
على النبي وعداد مرزم وعودة
لشاعر فلاح عشوي العنزي
اوصيك يااغلى الاحباب لاسافرت
لاتسرع ترى المحبوب يسمع لمحبوبة
اوصيك ياجعل السلامة معك لاسفرت
وصية حبيب خوف وصاك هالنوبة
ابي كل ماتسرع مع الخط بي فكرت
تذكر تذكر كيف انا اعيش بفكار مرعوبة
تراني فقدت انسان غالي قبل وانهرت
بدنياي صح ان المقادير مكتوبة
ولكن حوادث هالزمن من بلاها احترت
تزايد بشكل مخيف وارقام محسوبة
الا ياحبيب الروح لك بالشعر عبرت
تمهل عساك تعود بافراح مصحوبة
عشانك بقول لكل واحد ليا سافرت
لاتسرع وتصبح سفرة العمر منكوبة
لشاعر فلاح عشوي العنزي
يابنت قوليلي وش الحيلة
بصوت سمعتة وضيعني بتفكيرة
يابنت حيرتيني منة اشتكيلة
صوتك شتتني وهذي تدابيرة
اخاف اني وقعت ومدري منة التجيلة
مدري الجالك ولا اظل في حيرة
هذا الصدق واذا مكذبني هذا دليلة
شعر كتبتة وبسهولة كملت تعابيرة
يابنت ايدي تسابق بفكري وهذي المستحيلة
ايدي تكتب شي ماعرف تفسيرة
هو شعر والا غزل لا مدري وشي تعنيلة
قوليلي وكفاني ضايع في محافيرة
هو انتي سحرتيني والا انا مجنون ليلة
قوليلي انا استاهلك ولاتخليني في حيرة
لشاعر فلاح عشوي العنزي
الموت والله من غلا الخبز والفول ..
والبيض والجرجير والرز والقاز..
هذا الذي ياناس ماهوب معقول ..
وحنا نعيش بطفرة كلها انجاز ..
حضارة تمتد بالعرض والطول ..
مافية احد منها ابد عاش ومافاز ..
قصيده كلي فدا لك....
كلي معك وان ماكفى كلني لك..
تعال خذني وخطوتي تسبق خطاك..
اجيك ضامي وارتوي قبل لا اوصلك..
واوصلك واضمي وارتوي وارجع اضماك ..
القاك فيني والتقي فيك داخلك..
واخاف لا اشوفك ولاعاد القاك ..
وازعل على نفسي ولا اقدر ازعلك..
حتى الزعل فيني يدور على رضاك..
شفني يثير الصمت فيني تاملك ؟؟
ويثور قلبي من سهم رمش عيناك..
هتان شعري ماقوى عن تجاهلك..
ماصد حرفي عن ملامح محياك..
يضيع وصفك مع بدايات اولك..
وابدا من الاخر واضيع بحلاياك..
اية انكسر وجة الدلع يوم قابلك..
وانتي الدلع ..والا الدلع هو تبناك..
والوردة اللي شلتها بين اناملك..
تفتحت لاصارت بكف يمناك..
تروي من عروقك وتعكس تعاملك ..
وتسرق من انفاسك وتاخذ مزاياك..
انت الغلا ومنك الغلا فيك يسالك..
الحب اصل الحب ماكان لولاك..
كلي معك ..عفوا انا كلي لك..
تعال خذني وخلني دوم وياك ..
لشاعر فلاح عشوي العنزي
قصيده تتكلم عن المراه عنده ترشيحها بالمجلس الامه الكويتي
يابنت الهاي والبوي طفت ناركم
منازل الرجال ابعدو لاتجونها
مشيتو بدرب ابليس وابليس اغراكم
وخفيفة العقل منكم للمجلس ترشحونها
اه على زمن فات على امهاتكم
على جال البحر ثيابكم يغسلونها
واليوم حسافة ياحريم وشجاكم
فصختو الحيا والعادة الحميدة تنسونها
البيت اذرا لكم وقعدو بداركم
الرجال لهم جولات وهم اللي يعرفونها
المجلس مجال الرجال ولاهو مجالكم
ومسكينة منكم بالدفاتر يسجلونها
قالو بنت فلان يالربع تنخاكم
صورها بالدووين والناس يشوفونها
ياكبرها من عيب ابليس اعماكم
كرامة المراه كيف يدناسونها
عيدو النظر ياحريم الله يهداكم
والطرق الوعرة حذاري تمشونها
احمدو رب الكون على ما عطاكم
من صحة وعافية ان كان تعرفونها
لشاعرفلاح عشوي العنزي
احوال الدنياء ,,,,,
ابي اكتب دام انا حي ومعي فكر وقلم وكتاب
قبل ما اروح واسافر عن الدنيا واخليها
ابن ادم مقتفية القبر والحشر وبعدة حساب
وحياة عقبها مدري ياحسرة وين نقضيها
حدا اثنتين ياجنة نعيم ومن سكنها طاب
يبشر بالخلود وبالكرامة من سكن فيها
او النيران ياربي دخيلك وانتة التواب
تجير اللي لجالك وارتجف من خوف صاليها
نخاف اللي لو لمس جلد لبنادم ذاب
اجل واشلون لو يصبح ويمسي في بلاويها
الا يالله تفتح لي من احسانك وجودك باب
الهي تغفر ذنوبي بعفوك وانت محصيها
بيوم فية ماينفع قريب ولايفيد اصحاب
اليا صاب النفوس والخوف وانكشفت خوافيها
واذا خاب الرجا بالخلق بالخالق حشا ماخاب
كريم العفو والدنيا خلقها الله ويفنيها
بدينا الرحلة لاولى من تراب ونجي بتراب
وعسى الله مايخسرنا باولها وتاليها
لشاعر فلاح عشوي العنزي
سهرت الليل القصيد مسافر لبكرة
ابي اشوف الفجر يلقى على عيني
سهرت والليل يازينة وياقشرة
بة الهواجيس تنشرني وتطويني
يسافر الحرف في جسمي على صغرة
وانا على الشعر جابتني عناويني
لاني بشاعر يهزة بالفخر شعرة
تعبت اكتب ولااحدا معترف فيني
دخلت جو القصيد ودخلتي حشرة
حشرت نفسي ونفسي ضايقة فيني
بكيت من حرقة الضيقة وياكبرة
همي وياثقلها الا يام وسنيني
وعرفت الروح القصيد وعرفتة عثرة
العب على الما ولافي شئ بعيني
القصيدة تسافر في سما الفكرة
تنشر شعرها على متني وتغريني
وكبرت والشعر في قلبي كبر قدرة
لامابنيتة ولكن كان يبنيني
طفل وتدلل علي وصرت في امرة
يامر وينهي واطيعة مير يعصيني
واخاف هالشعر ياخذني على غدرة
ولا بعد من الكون ياخوفي يوديني
واترك وراي الوطن والناس والعشرة
وايام حلوة مضت لي مع حبيبي ؟
لشاعر فلاح عشوي العنزي
تطـمّن يا هـوى نفسي تـطـمــن وابــعد الأفكار....
عسى ما شر..يالغالي وشليّ مخير اظنونك
ثلاث ايام متغــير ..علــيّ وزايـــد الأعــــذار...
ثلاث أيام وأشوفــك مـغـيــر بالــهوى لــونــك
ترفق بــي علـى هونك وقولي كـل شـي صــار....
إذا قصــدك ..بـ تقصيري تراني فدوة أعيونك
اغيّر كل شــي فينـي .وخلــي غيـرتـي لك نار...
وخلُي ظلــمك..وعــدلك وانادي بظلـم قانونك
لأني اسرفت في حبك وحبّك لي غضب وأجبار....
ولأنـك ديـــن برقبتي..وانا بالفعـل مــــديونــك
ولأن اسمك علــى جبيني كتبها خــالق الأقـــدار....
بعد هذا تـرى يكفــي تـعذّب قـلـب مــفـتـونــك
ابسمع صوتك وهمسك حبيبي .واخـر الاسرار....
وابسمع كل ضـحكه فيك وابي هالناس ينسونك
حبيبي اترك الماضي.وتعال نُــكمل المــشــوار....
حبيبي والـعـمـر مرّه..حـرام اعيش من دونك
لشاعر فلاح عشوي العنزي
مرحبأ باللي سكن وسط الحنايا
وسط قلب ماقدر غيرة ينولة
إنت ياملح السوالف والحكايا
لبدوي تو مانوخ ذولة
بسألك كم طاح من رمشك ظحايا
واللة إن العشق في حبك بطولة
ياغزال الريم ياسيد الصبايا
ياأرق من الندى لحظة نزولة
إن تزين تحسدة كل المرايا
وإن وقف كن الحلى يلتف حولة
وإن همس تهمس معه كل الشفايا
وإن رقص كل العذاري صفقوله
ياحبيبي جيت لك عندي وصايا
جيت أقول العمر خطواته وعجولة
جيت في قلبي سواليف وحكايا
بس حبيتك وحققت البطوله
لشاعر فلاح عشوي العنزي
صدفة تعلمت الهوى من جمانة
اللي لها قلبي بدا حيل يشتاق
همساتها ردت لقلبي حنانة
واليا حكت صار الطرب بين عشاق
يلعن ابوها طيحتها الميانة
واصبحت هايم في هداها ومشتاق
في وصفاها الشاعر يتلعثم لسانة
لو ينكتب ماتاسعة بيض الاوراق
هي كنها درة في وصف دانة
وجبينها صاطع مثل شمس الاشراق
والخافق اللي هزتة من كيانه
يبقى لها يرسل تعابير واشواق
واليوم خلتني وحيد بزمانة
اقفت بعد ماجونا بالهوى راق
لا وحسايف منة جت من الخيانة
عزوة ناسا واحرقوا قلبي حراق
بالكذب والله زينولة مكانة
مسكين حطوة متاهات وارهاق
خلوة يترك من يحبة وصانة
في وصط عينة بالمخاليق ملاق
واليوم لو يرجع علي اهانة
اخترت عن حبها بعد وفراق
حان الرحيل وصار هذا اوانة
ابجبرة حتى لو القلب ماطاق
انا عشقتك بس كنتي جبانة
وماعاد لك في داخل القلب خفاق
لشاعر فلاح عشوي العنزي
في ظلام الليل نمشي وفي بحرا غريق
ولاشرقت شمس الوفا لي كفنها السحاب
صارات الخطوة عن الفين ميل بالطريق
ضلت الاقدام من يقتدي من وصط الغياب
جرحي الليل لاجرحني حبيب ولاصديق
سالما منهم ولاكني جرحني الاقتراب
الحياة مثلها لاتطيب ولاتليق
والقبور بها مثلنا حيل فيها العش طاب
اه ياحظن اصيحة عيا لا يضيق
لاندهت قال انا وانت وغطانا تراب
لاطلبت فزعتة قالي خبرك عتيق
ابك انا لا افزع ولاعين ولا اقبل الاغتراب
لامعاند يفيد الصياح ولا النعيق
دام ياحظي ترديت جعلك للذهاب
اة لوتدري عن جرحي يالرفيق
حطم الماضي وسوى بحاظرنا انقلاب
شفت فلاح لا مقيد ولا حرا طليق
كثر مايضحك قبل صارات ايامة غراب
صارات الدنياء الوسيعة علية اليوم ضيق
ومن قواميس السعادة كتب حالة غياب
لشاعر فلاح عشوي العنزي
حبيتة وبديت اكتب نهاية قلبي بيديني
وانا اللي ما فكر يوم احب غيرة
هذاك الحب ... وهذاك القرب
وهذاك اللي مغير يوم تعيشني بقى سنيني
حلفت اني ما احب غيرة
ولا ادور ولا اشقي بتغيرة
بس هو قلبي وحبيبي راح وانا ما اظن احب غيرة
بس قلبي بدا يعشق ... بدا يهتم بحكي غيرة
حكي معسول ...
حكي يصعب تكريرة ... لفت بالي وانا لحالي ..
واذا بقى على هالحال عرفت موتي بتدبيرة ..
نعم اقول انا احب...
حكي بس بينك وبيني .. حبيبي راح بقى بقلبي
وما اظنة ابد ينزاح ...
صعوبة في غيابة ارتاح لو برتاح ..
لاني حالف ما احب احد غيرة ...
اصدق لو اموت اليوم واصدق في سنيني هموم..
واكذب كل ما قلت ابي غيرة
ولو بعشق صدق عشقي حق حبي اللي يعنيني..
ولو بس عشقك اشوفة عادي ياذيني ويمحيني ..
حبيتك وبديت اكتب نهاية قلبي بيديني ....
لشاعر فلاح عشوي العنزي
ابي انشد عن بنت اسمها هيفاء
شقرة ومزيونه وماشفت بجمالها
خطفت قلبي والله من شفتها
وسحرتني برغتها ونعومتها وبشعرها
اللي بحياتي ماشفت ابد مثلها
ولا راح تشوف عيني بزينها
عنيده ومغروره بس من عذرها
لانها جميله ويغارون منها رفايجها
مثل الدم والله لون خدودها
ومثل المسك لون عيونها
مثل الفراوله طعم شفايفها
ومثل النار حراره جسمها
مثل الحرير ملمس جسمها
ومثل الاسفنج ملمس صدرها
سبحان اللي خلقها وسوها
وسحرني وخلاني احبها
بس صدقوني تستاهل اللي يحبها
غيرت شكل حياتي وطعمها
اقول يمكن تلقون مثلها
بس مستحيل مثلي تحبونها
لشاعر فلاح عشوي العنزي
عقب الفراق عقب الالم عقب الاحزان
عقب السهر عقب الهواجيس والهم
من بعد ماصار الشقى لي عنوان
بعد الهجران من بعدها حالي انسم
جاني بثوب ابيض وهو حيل فرحان
شايل بدينه ورد واقبل وسلم
جاي يتيم ويقولي بالحيل ولهان
مشتاق لك مشتاق والله يعلم
جيت اعترف جيت اعتذر كنت غلطان
عقبك حياتي اصبحت كلها غم
اخطيت سامحني انا ندمان
بعدك ذبحني وماخفى عنك اعظم
استحلفك بالله لاتنوي هجران
حبك بقلبي صار يجري كما الدم
خلاص حرمت ما اتركك يوم زعلان
ودي بوصلك يامني قلبي انعم
تعال امجاد ظامي ورويان
تعال واجعل شمل الاحباب يلتم
وقفت افكر تايه الراي حيران
مدري ابدي الرفض ولا اقول تم
واقبل يمي ايديه ويقول ولهان
مديت ايديني بس حسافه طلع حلم
كنتم مع قصايد الشاعر فلاح عشوي العنزي
واتمنى تنال اعجابكم وفقكم الله
وتقبلو تحياااااااااااااااتي
الرئيسية 
